واعظ ! میں کوئی چور ہوں جو تجھ سے دبوں گا؟ منہ توڑ کے رکھ دوں گا اگر تلخ ہوا تو .

واعظ ! میں کوئی چور ہوں جو تجھ سے دبوں گا؟
منہ  توڑ  کے  رکھ  دوں  گا  اگر  تلخ  ہوا  تو
.
حیران نہ ہو خستہ تنی دیکھ کے میری
میں ٹھیک ہوں ،سب خیر ہے ،بس اپنی سنا تو
.
میں جانتا ہوں کس نے کہاں گرد اڑائی
یہ قصے میاں اور کہیں جا کے سنا تو
.
گلیوں میں پھرا بھی ہے کبھو چاک گریباں ؟
تو ؟ اور کہے میر سا خود کو ؟ ابے جا تو
.
جو خود سے ملا ،سچ ہے ،ملا عین خدا سے
ملنا ہے خدا سے تو خودی اپنی گنوا تو
.
سالک ہے تو کیا راہ کی سختی کی شکایت
عاشق ہے تو پھر کیوں نہیں راضی بہ رضا تو ؟
.
صورت پہ مجھے اپنی کیا خلق جو تو نے
پھر پہلا طلب گار بتا میں ہوا یا تو؟