ﻏُﺮﻭﺭِ ﺣُﺴﻦ ﻣﯿﮟ ﺷﺎﮨﯽ ﺟﻼﻝ ﮨﻮﺗﺎ ﮨﮯ
ﭘﺮﯼ ﺭُﺧﻮﮞ ﮐﺎ ﺳﺒﮭﯽ ﮐﭽﮫ ﮐﻤﺎﻝ ﮨﻮﺗﺎ ﮨﮯ
ﺗﺮﺍﺵ ﺍﯾﺴﯽ ﮐﮧ ﺭُﮐﺘﯽ ﮨﮯ ﺳﺎﻧﺲ ﺩَﮬﮍﮐﻦ ﮐﯽ
ﭘﮭﺮ ﺍُﺱ ﭘﮧ ﭼﻠﻨﺎ ﻗﯿﺎﻣﺖ ﮐﯽ ﭼﺎﻝ ﮨﻮﺗﺎ ﮨﮯ
ﻗﺴﻢ ﺧﺪﺍ ﮐﯽ ﺍﮮ ﻟﻔﻈﻮﮞ ﺳﮯ ﻣﺎﻭﺭﺍ ﻟﮍﮐﯽ
ﺑﺪﻥ ﺍﻭﺭ ﺍﯾﺴﺎ ﺑﺪﻥ ، ﺧﺎﻝ ﺧﺎﻝ ﮨﻮﺗﺎ ﮨﮯ
ﭘﻨﺎﮦ ﺑﺎﺩَﻟﻮﮞ ﻣﯿﮟ ﮈُﮬﻮﻧﮉﺗﺎ ﮨﮯ ﻣﺎﮦِ ﺗﻤﺎﻡ ﺟﻮ
ﺑﮯ ﺣﺠﺎﺏ ﻭُﮦ ﺯُﮨﺮﮦ ﺟﻤﺎﻝ ﮨﻮﺗﺎ ﮨﮯ
ﺧﺪﺍ ﮨﯽ ﺟﺎﻧﮯ ﺍُﺳﮯ ﭼﻮﻡ ﻟﯿﮟ ﺗﻮ ﭘﮭﺮ ﮐﯿﺎ ﮨﻮ
ﺟﻮ ﮔﺎﻝ ﻧﺎﻡ ﺳﮯ ﺑﻮﺳﮯ ﮐﮯ ﻻﻝ ﮨﻮﺗﺎ ﮨﮯ
ﺍَﮔﺮ ﻭُﮦ ﻟﺐ ﻧﻈﺮ ﺍٓﺋﯿﮟ ﺗﻮ ﺯُﻟﻒ ﺑﮭﯽ ﺩﯾﮑﮭﻮ
ﮨﺮ ﺍﯾﮏ ﺩﺍﻧﮯ ﭘﮧ ﻣﻮﺟﻮﺩ ﺟﺎﻝ ﮨﻮﺗﺎ ﮨﮯ
ﻧﮕﺎﮦِ ﻗﯿﺲؔ ﺳﮯ ﺩﯾﮑﮭﻮ ، ﮨﻤﯿﺸﮧ ﻟﯿﻠﯽٰ ﮐﻮ
ﺻﻨﻢ ﮐﺴﯽ ﮐﺎ ﺑﮭﯽ ﮨﻮ ، ﺑﮯ ﻣﺜﺎﻝ ﮨﻮﺗﺎ ﮨﮯ
شہزاد قیس
No comments:
Post a Comment