رات کالی ہے، مُجھے چہرہ دکھا سکتے ہو
تُم فقط اتنا بتاؤ ، ابھی آ سکتے ہو.
اِک نئی دُنیا بسانے کی ، تمنا ہے اگر
تُم مری آنکھ سے کچھ خواب، چُرا سکتے ہو
تُم مری زیست، بڑے شوق سے تصویر کرو..
دیکھ لو ، دشت کو گُلزار بنا سکتے ہو ؟
عمر بھر ساتھ نبھانے کا ، نہ سوچو پاگل..
ایک جنگل مِیں بَھلا زیست، بِتا سکتے ہو
مَیں ہوں اِک سوکھا ہوا پیڑ، ثمر کیا دوں گا..
تُم عبث چھاؤں کی ، اُمید لگا سکتے ہو..
بن گیا تو کوئی ، ترمیم نہ کر پاؤ گے
تُم ابھی بھی مری بُنیاد ، گِرا سکتے ہو
سبطین ساحر
No comments:
Post a Comment